Gustin’rîyes...  « Augustin Beelaert »
- Mi dju di qu'èl biére dèvroût yèsse rimbourséye pa l' mutuwèle: i n'a pont d' somnifère qui m' fét si bî-n dormi.
- D'vant d' couminchî in match, lès dj'weûs d' fotbal s' don' tè l' mangn; après is s' don' tè dès coûps d' pîds.
- Si lès pèchons avin' tè dès pènas, is nadj'rin' tè dins 'ne gayole.
- Si l'èspèrance dè vîye n'arète nî-n dè s' radlondjî, nos dalons yèsse oblidjîs dè dalér ô mèd'cin pou mori.

- L'avièrje Marie s'a r'trouvè in pôsicion après l' passâdje dè l'anje Gabrièl parèt-i ? … ç'astoût d'dja ène sorte dè facteûr ça, non ?

- Rébus indyin: c'èst nî-n pace qu'on-a 'ne masse dè pleumes dèssu s' tièsse qu'on sét bî-n fé lès djîles.
- Quand l' gouvèrnèmint candje dè réjime, nos d'vons r'sèrér no cingue: c'èst nî-n politique, c'èst diètètique.
- Ç' qui cousse co l' mwins tchér', c'èst d'yèsse profiteûs.

- Dj' intind toudis dîre ô posse què yun ou bî-n l'ôte a stè " portè disparu "; mès l'cî-n qui lès-a portè, i sét tout l'minme bî-n ayu ç' qu'i lès-a lèyî.

- Rébus corse: èl cî-n qui s' èrliéve avû l'idéye dè n' rî-n fé f'roût branmint mèyeû dè d'morér dèvins s' lit.
- Rî-n qu'a vîr vo visâdje, d'é l'invîye dè coumandér in lûja !

Soupe à citrons... « Christian Quinet »
- Ô boutique, d’ é rintrè pô p’tit-uch èyèt d’é vûdî… pa l’ bowète.
- Racisse, li ? Absolumint nî-n ! Minme pindant l’ guère… i n’avoût rî-n conte lès-Al’mands.
- Il-in’tè si p’tits qu’ is f’sin’tè l’ amoûr dins-in mouchwâr dè poche.
- Sès parints l’ avin’tè batijî Marine èyèt, come dè fèt, èle nè s’a jamés plé què dins lès-yôs.
- D’é tél’mint l’ èsprit d’ famîye què du n’ passe nî-n in djoû d’ vacances sans tèlèfonér a m’ tchî-n.
- In Marwale : s’il-è-st-ôssi bon qu’ i sint mé, i dwat yèsse bon.
- Dèspûs qu’ du sû cama avû l’ fostî, èm tchî-n a, tous lès djoûs, in bia ocha tout nû.

- Quand l’ aracheû d’ dints a v’nu m’ ouvri l’ uch avû sè scoû plangn dè sang, d’é compris tout d’ swite què,        ç’ djoû la, i n’ît nî-n in forme.

- I n’a jamés seû dîre non : adon, i s’a mariè quatorze coûps.
- In croque-moûrt qui s’ indoûrt su l’ ouvrâdje, c’è-st-in-ome qui n’èst nî-n frîleûs.

- On m’ tréte pa coûps dè p’tit crèkyon. Pourtant, quand d’ sû stampè avû mès bras in l’ ér’, du fé bî-n a pô près deûs mètes.

- Èl coureû ît si foûrt dopè qu’ in dèmarant il-a lachî s’n-ombe.

Haut de page