Mineur
Lès Dan.nès
Hubert Outlet, Èl Mouchon d’Aunia, décembre 1931
Hubert Outlet, Èl Mouchon d’Aunia, décembre 1931
Lès Dan.nès
No clokî qui léche tournér s’ co
a l’ ér’ d’ èrwétî tout l’ vilâdje,
tant què s’ cloke invouye sès-ècos,
djusqu’ ô chni d’ no vî kèrbènâdje.
Èle touche lès-ouvrîs plin d’ corâdje,
tout marquîs d’ bleûs su leû visâdje,
èt leû s-aporte in vint d’ èspwâr
avant d’ dèskinde dins l’ trô tout nwâr.
Lôvô, afrontant lès r’toûrs d’ ér’,
èl nwâre poûssiére qui fét brûlène,
ou bî-n l’ coûp d’ yô, fèl come l’ èclér’,
qui pût l’s-abate su leû riv’lène.
L’ ouvrî n’ pût nî-n marchandér s’ pène,
pou mèritér s’ minâbe quinjène,
èyèt surtout wardér l’èspwâr
qu’ i r’mont’ra dou grand trô tout nwâr.
A trinte ans sès-îs dèstindus
ont d’dja pièrdu l’ force d’ ène riséye
a brûtér, sès mimbes sont tordus,
’yèt s’n-èstoumak pîle pa voléyes.
C’èst qu’ il in fôt fé dès-avéyes,
pou noûri ’ne fème èyèt s’ nitéye,
pourtant i warde toudis l’ èspwâr
qu’ i fra s’ dèrniére dins l’ trô tout nwâr.
Pinsionè, i sondje ô passè,
D’lé ’ne soke qui li chért d’ asplouyète,
pris dou stoumak, èl dos voûssè,
ès’ pinséye swît l’ djeu dès moulètes.
La, c’èst co s’ vîye d’ dan.nè qu’ i r’grète,
quand l’ môrt vî-nt l’ touchî dè s’ baguète,
’yèt l’ cloke li cante come in-arvwâr :
i dèskind d’vins l’ ôte trô tout nwâr.
No clokî qui léche tournér s’ co
a l’ ér’ d’ èrwétî tout l’ vilâdje,
tant què s’ cloke invouye sès-
Èle touche lès-
èt leû s-
Lôvô, afrontant lès r’toûrs d’ ér’,
èl nwâre poûssiére qui fét brûlène,
ou bî-
L’ ouvrî n’ pût nî-
èyèt surtout wardér l’èspwâr
qu’ i r’mont’ra dou grand trô tout nwâr.
A trinte ans sès-
a brûtér, sès mimbes sont tordus,
’yèt s’n-
C’èst qu’ il in fôt fé dès-
pourtant i warde toudis l’ èspwâr
qu’ i fra s’ dèrniére dins l’ trô tout nwâr.
Pinsionè, i sondje ô passè,
D’lé ’ne soke qui li chért d’ asplouyète,
pris dou stoumak, èl dos voûssè,
ès’ pinséye swît l’ djeu dès moulètes.
La, c’èst co s’ vîye d’ dan.nè qu’ i r’grète,
quand l’ môrt vî-